女星林嘉欣有份参演贺岁片《廉政风云 烟幕》，由于电影票房报捷，所以台前幕后都表现得好兴奋，呢日嘉欣就喺社交网上载一条同幕后工作人员互动嘅搞笑短片，仲留言话：“《廉政风云 烟幕》之工作人员请你饮咖啡”片中嘅工作人员拎住一个咖啡杯盖，盖上面有嘉欣嘅签名，佢开心到不停重复讲：“谂住冲杯欲罢不能嘅咖啡，但正常嘅咖啡点都欲罢不能唔到，但女神签咗名就欲罢不能。”凼到嘉欣不知几开心，仲举晒V同对方合照。
而同样有份参演《廉政风云 烟幕》嘅袁咏仪（靓靓）最近就同老公、囝囝去咗日本滑雪，仲喺当地庆祝结婚周年，呢日佢就上载多张美食相同一张大合照，合照中除咗有老公、囝囝之外，仲有蔡一智夫妇等，靓靓留言话：“虽然张先生不是一个浪漫的人，但他幸运地认识几位浪漫的朋友，会在重要的日子为我们安排一个又好吃又温馨的晚餐。感恩谢谢”
